09 Nëntor- Ministria e Arsimit dhe Sportit, nëpërmjet DPAP, DRAP, ZVAP, në bashkëpunim me Policinë e Shtetit, Drejtoritë Rajonale të Tatimeve, Inspektoriatin Qendror, Inspektoriatin Shtetëror Shëndetësor, Inspektoriatin e Punës dhe Shërbimeve Shoqërore, Bashkitë, Njësitë Administrative, kanë nisur kontrollet në të gjithë territorin për të verifikuar standardet dhe ligjshmërinë e subjekteve që ushtrojnë veprimtarinë në shërbimet parashkollore për fëmijë, në kuadër të Task -Forcës së ngritur nga MAS për të siguruar që institucionet arsimore parashkollore, të ofrojnë një mjedis të sigurt dhe të mbrojtur për fëmijët, në zbatim të legjislacionit në fuqi. Inspektimet nga grupet e punës Task -Forcë, janë zhvilluar në terren në të gjithë vendin, për evidentimin dhe verifikimin e ligjshmërisë në lidhje me përputhshmërinë e veprimtarisë me përcaktimet e kuadrit ligjor, të subjekteve private që ushtrojnë veprimtari të arsimit parashkollor.
