Gjatë një vizite në Shkup, Ministrja për Europën dhe Punët e Jashtme e Shqipërisë, Elisa Spiropali, u takua me Musa Xhaferrin, Kryetar i Komisionit për Politikë të Jashtme në Kuvendin e Maqedonisë së Veriut, si dhe me Arbana Pashollin, nënkryetare e Bashkimi Demokratik për Integrim.
Sipas njoftimit të ministres Spiropali, takimi u fokusua në rolin e shqiptarëve në forcimin e progresit demokratik dhe në avancimin e procesit të integrimit europian të Maqedonisë së Veriut.
Spiropali theksoi mbështetjen e Shqipërisë për angazhimin konstruktiv dhe diplomacinë parlamentare, duke nënvizuar se ‘zbatimi konsekuent i Marrëveshja e Ohrit mbetet një standard thelbësor për garantimin e barazisë reale, përfaqësimit dhe dinjitetit’ të shqiptarëve në vend.
Postimi i Spiropalit:
???? Takim me Musa Xhaferrin, Kryetar i Komisionit për Politikë të Jashtme në Kuvendin e Maqedonisë së Veriut, dhe Arbana Pashollin, Nënkryetare e BDI-së, për rolin e shqiptarëve në forcimin e progresit demokratik dhe avancimin e integrimit europian të vendit.
Shqipëria mbështet angazhimin konstruktiv e diplomacinë parlamentare si dhe pret zbatim konsekuent të Marrëveshjes së Ohrit, si standard për barazi reale, përfaqësim dhe dinjitet.
