Në 23 Maj, Partia Demokratike do të mbajë zgjedhjet për kreun e saj, ku deri më tani ka pasur shumë akuza mes demokratëve që e kontestojnë këtë proces.
Teksa shumë figura të njohura të demokratëve shfaqen ambicien për të t’iu bashkuar garës, në fund vetëm Sali Berisha do të jetë emri i vetëm që demokratët do të votojnë në 23 maj, pasi kandidaturat e tjera janë skualifikuar nga gara.
Këtë ka ironuzuar edhe gazetari i njohur Lutfi Dervishi, i cili në një postim në Facebook, ka postuar një sërë listash që nuk do t’i marrim vesh me saktësi, ku përfshin edhe listën e atyre që duan të bëhen kreu i PD-së.
Ndërsa më tej, ai ironizon se edhe kjo listë do të jetë e paplotë si të tjerat.
Postimi i Dervishit:
Asnjëherë nuk do të marrim vesh me saktësi:
Listën e dëshmorëve të Luftës së II
Listën e patronazhistëve
Listën e shqiptarëve jashtë
Listën e shqiptarëve brenda
Listen e aleatëve strategjike
Listen e reformave shtetformuese
Listën e ndërhyrjeve në Kushtetute
Listën e ligjeve me porosi
Listën e premtimeve për ujë 24 orë
Listën e ilaçeve që mungojnë
Listën e inspektimeve në rrugë
Listen e inagurimeve të rrugëve të pa mbaruara
Listën e tenderave me flamuj të kuq
Listen e pronave me mbivendosje
Listën e objekteve të fotografuara nga satelitët Albania 1 dhe Albania 2
Listën e kryetarëve të bashkisë n’Spak
Listën e rekomandimeve t të OSBE – ODHIR për zgjedhjet
Listën e drejtorëve që marrin leje vjetore kur nis fushata zgjedhore
Listën e investitorëve strategjik
Listën e doktoraturave pa plagjiaturë
Listën e atyre që mendojnë se do të bëhen kryetar të PD-se
P.S. Edhe kjo listë është e paplotë si gjithë të tjerat
