Këtë pasdite ka ardhur reagimi i Ministrisë së Infrastrukturës dhe Energjisë në lidhje me mosmarrëveshjet mes kompanive “2A Group” dhe “Mabco” që kanë marrë përsipër Aeroportin e Vlorës, por aktualisht kanë ndalur punimet për shkak se çështja ka shkuar në gjykatë.
Përmes një shkrese zyrtare të drejtuar kompanive nga ana e ministrit Enea Karakaçi, ministria i ka lënë 30 ditë afat kompanive për të gjetur një zgjidhje që do të çojë në vijimin e punimeve me qëllim mbylljen brenda afateve.
Në rast se situata nuk zgjidhet brenda këtij afati, atëherë ministria bën me dije se do të veprojë me penalitetet që parashikon kontrata dhe legjislacioni në fuqi.
