Nga fjordet norvegjeze në qytetet ruse, regjistrimi i temperaturave të ngrohta me më pak borë dhe shi kanë shkaktuar vonesa në ardhjen e dimrit Arktik në veriun e largët të Evropës.
Sunndalsora, një qytet i vogël në Norvegjinë perëndimore regjistroi 19 gradë Celsius të enjten e kaluar, një temperaturë që nuk ishte parë kurrë më parë në vendin nordik në këtë periudhë të vitit.
Klima e butë vjen për shkak të erërave të ngrohta të cilat pritet të përshkojnë rajonin përsëri këtë javë, sipas parashikuesve norvegjezë. Ata shtuan megjithatë se këto erëra të ngrohta nuk janë të zakonshme dhe nuk lidhen domosdoshmërish me ndryshimin e klimës. Gjithsesi, temperaturat janë më të larta se normalet.
Në Suedi, temperaturat gjatë ditëve të kaluara janë ngjitur rreth 5C gradë më të larta se normale në jug të vendit skandinav, dhe 10C gradë më të larta në veri.“Më 2 janar tre stacione në Suedinë qendrore raportuan temperaturat e tyre më të larta të janarit që nga viti 1971,” i tha AFP-së, Sverker Hellstrom, klimatolog në institutin meteorologjik suedez.
Në Lapland të Suedisë, pronari i një biznesi me slitë qensh pretendoi se ka qenë një nga dimrat më të ngrohtë në dekada, me lëkundje të mëdha të temperaturave.
Donald Eriksson theksoi se më 7 janar ishte minus 36C gradë por të martën ishte mbi ngrirje në shkallë 1C.“Trendi është i qartë: në 15 vitet e fundit, dhe veçanërisht në 10 vitet e fundit, dimri është shkurtuar mesatarisht me një muaj e gjysmë,” i tha Eriksson AFP me telefon.
Dimrat më të shkurtër
Në Finlandën jugore ku temperaturat në dhjetor ishin 4.5C gradë më të larta se normale, dimri as nuk ka filluar akoma, sipas shërbimit lokal të motit.
Vlerësimet meteorologjike tregojnë se në janar në rajon, nuk do të ketë një dimër të vërtetë, të përcaktuar si numri i ditëve me temperatura nën ngrirje.Oslo, për shembull, ka humbur 21 ditë të dimrit gjatë tre dekadave të fundit, thanë parashikuesit, duke parashikuar se dimrat më të shkurtër do të vazhdojnë.
“Deri në vitin 2050, më shumë se një milion norvegjez do të jetojnë në zona me më pak se një muaj dimri,” tha studiuesi Reidun Gangsto Skaland.
Në zemër të Arktikut, arkipelagu Norvegjez Svalbard po përjeton muajin e tij të 109 të drejtpërdrejtë të temperaturave mbi normalen.
E njëjta situatë në Rusinë fqinje.
Të martën, ajo ishte 0C gradë në Murmansk, qyteti më i madh në botë mbi Rrethin Arktik, që është rreth 6C më i lartë se norma sezonale, tha qendra kombëtare e motit.
Parashikimi për ditën e mërkurë, parashikimi për Shën Petersburg, qyteti i dytë i Rusisë, temperaturat parashikohen 4 gradë, ose 12 gradë më shumë se normalja.
Por verilindja e Rusisë nuk është vetëm. “I gjithë vendi ka regjistruar anomali pozitive” në temperaturë, tha drejtori i shërbimit kombëtar meteorlogjik, Roman Vilfand, për agjencinë e lajmeve Ria Novosti.
Ai tregoi disa pjesë të Siberisë, një nga vendet më të ftohta në botë ku temperaturat kanë arritur në 20C gradë më të larta se normale.
