Inter mendon edhe për të ardhmen, teksa duket se do të blindojë talentin e madh të sulmit, Sebastiano Esposito. Sipas asaj që shkruan “Gazzetta dello Sport”, në muajin korrik, kohë kur Esposito do të mbushë 18 vjeç, do të firmosë një kontratë të vlefshme deri në vitin 2025.
17-vjeçari u shndërrua në golashënuesin e dytë më të ri të historisë së Interit në ndeshjen kundër Genoas, teksa shënoi një nga golat e fitores 4-0. Esposito shihet si lideri kryesor i Interit të së ardhmes, prandaj dhe zikaltrit kërkojnë që ta blindojnë me çdo kusht sulmuesin.
