Drejtoria e Përgjithshme e Shërbimeve të Transportit Rrugor ka bërë me dije se të gjithë qytetarët që kanë blerë ose shitur makinë dhe nuk kanë bërë kalimin e pronësisë kanë afat deri në 02 mars 2020, në të kundërtën do të gjobiten. Burime zyrtare konfirmojnë se pas kësaj date do të aplikohet masa e gjobës që vijon nga 10,000 – 40,000 Lekë sipas vonesës, teksa DPSHTRR ka sqaruar edhe procedurat që duhet të bëjnë dy palët.
“Shitësi të deklarojë mes dokumenteve, faktin e aktit të shitjes, pranë DPSHTRR (Drejtoritë Rajonale)! Blerësi të regjistrojë në emrin e vet (individ/subjekt) mjetin pranë DPSHTRR (Drejtoritë Rajonale)”, bën me dije DPSHTRR.
DPSHTRR thekson se procedurat e kalimit të pronësisë së mjetit bëhen në sportelet e institucionit pas noter, në mënyrë të menjëhershme ose 1 Stop Shop.
“Keni shitur një mjet dhe vijon të mbetet në emrin tuaj ndërsa e përdor blerësi? KUJDES! Ky mjet mund t’ju ngarkojë me detyrime nëse blerësi nuk paguan taksat, nëse nuk paguan gjobat brenda apo jashtë vendit! Mund të keni probleme nëse ky mjet përdoret për krime apo nëse shkakton dëme/fatalitete! Keni blerë një mjet dhe nuk e keni kaluar në emrin tuaj? KUJDES: Ky mjet mund t’u bllokohet apo konfiskohet nëse shitësi ka detyrime ose debi ndaj të tretëve! Ju do të përballeni me gjoba për vonesën e kalimit të mjetit në emrin tuaj! Shitësa e blerësa! Rregulloni pozicionin tuaj në lidhje me mjetin! Për ju, për sigurinë rrugore, për DPSHTRR, për ligjin, DUHET:
Shitësi të deklarojë mes dokumenteve, faktin e aktit të shitjes, pranë DPSHTRR (Drejtoritë Rajonale)! Blerësi të regjistrojë në emrin e vet (individ/subjekt) mjetin pranë DPSHTRR (Drejtoritë Rajonale)! Deri në 28.02.2020 nuk do aplikohet gjoba që parashikon Kodi Rrugor, 10,000 – 40,000 Lekë sipas vonesës! Nga data 02.03.2020, do aplikohet gjoba ndaj çdo regjistrimi të vonuar kalimi pronësie!
Për gjithë ata që planifikojnë shitjen-blerjen, DPSHTRR ofron shërbimin e lehtësuar të kalimit të pronesisë së mjetit direkt në sportelet tona – pa Noter – 1 Stop Shop! #MëShpejtMëLehtëMëLirë Informacion e orientim i zgjeruar do ofrohet online në: ëë.dpshtrr.gov.al #DPSHTRR #MIE #RregulloDokumentat”, shkruhet në njoftimin zyrtar të DPSHTRR.
