Trajneri i Liverpoolit, Jurgen Klopp, është duke u përgatitur për një tjetër përballje me të vetëquajturin “I veçanti”, Jose Mourinhon. Strategu gjerman e quajti veten “Normali” në konferencën për shtyp për këtë ndeshje. Trajneri gjerman e ka dëshmuar se është shumë më i vlefshëm sesa cilido trajner i rëndomtë në botën e futbollit, duke arritur ta shndërrojë Liverpoolin në një skuadër sfiduese në Evropë dhe Angli.
Plani i Kloppit është që triumfeve në Ligën e Kampionëve dhe Kupën e Botës për Klube t’ia bashkëngjitë këtë sezon edhe triumfin në Premierligë – gjë që Liverpooli s’e ka bërë asnjëherë në histori të vet. Kloppi do të tentojë ta shpallë Liverpool kampion të Anglisë për herë të parë që 30 vjet, kur Premierliga ende s’ishte krijuar si format i ri. Në rrugën drejt këtij qëllimi, Liverpooli këtë fundjavë do të përballet me Tottenhamin në Londër.
Kur u pyet për takimin e tij me Mourinhos, Klopp tha: “Normali po ndihet shumë mirë. Për fat të keq, nuk ka asgjë të veçantë te unë. E vetmja mënyrë se si unë e kuptoj këtë është se ti e bën punën tënde me pasion, e jep 100 përqindëshin tënd”. “Duhet t’i përdorësh mirë edhe njerëzit e shkëlqyeshëm që i ke përreth vetes… stafin, lojtarët dhe shumë persona të tjerë. Të gjithë e bëjnë punën e tyre dhe fundi rezulton i mirë, por asgjë e veçantë s’ndodh. E gjitha është normale”.
