Kryesia e Kuvendit të Kosovës do të mblidhet sot për të caktuar datën e mbajtjes së seancës për votimin e qeverisë së re. Siç e përcakton dhe Kushtetuta, Albin Kurti, që është propozuar për postin e kryeministrit, ka kohë deri më 4 shkurt që t’ia paraqesë për votim kabinetin e tij deputetëve të Kuvendit të Kosovës.
Ndërkohë që VV dhe LDK ende nuk kanë arritur marrëveshje për koalicionin qeverisës, për shkak të mospajtimeve rreth postit të kryeparlamentarit dhe atij të presidentit.
Kryesia e Kuvendit do të mblidhet në orën 09:00 për të shqyrtuar kërkesën e Albin Kurtit.
