Sizmilogët thonë se tërmeti i mbrëmjes së sotme (28 janar) është pasgoditje e tërmetit të 26 nëntorit. Sizmilogu Rrapo Ormeni për Ora News thotë se nuk ka vend për panik. “Përderisa është në zonën epiqëndrore dhe me një magnitutë të tillë është ecuri e pasgoditjeve.
Nuk ka nevojë për panik, pasi kaloi kjo goditje. Njerëzit janë të sensibilizuar nga goditjet kryesore dhe dalin jashtë. Kur shikon që ecuria nuk ka më themi që situata është më e normalizuar”, tha Ormeni. Sipas tij, këshilla në këto raste është që qytetarët të qëndrojnë në vend.
