Jean-Clair Todibo i është bashkuar zyrtarisht Schalke 04 në huazim me opsion blerjen për 25 milionë euro, por Barcelona ka mundësi blerjen e tij për 50 milionë euro Mbrojtësi ishte në negociata për t’u transferuar në Milan, por nuk arriti marrëveshje personale por as dy klubet nuk arritën të merren vesh. Kuqezinjtë raportohet se nuk kanë dashur ta marrin atë në huazim pa garantuar se ai do të jetë aty në të ardhmen edhe me klauzolë për riblerje nga Barcelona.
Megjithatë, ai ka arritur marrëveshje me Schalke 04 e cila është konfirmuar sonte në mbrëmje. “FC Barcelona dhe Schalke 04 kanë arritur marrëveshje për ta huazuar lojtarin Jean-Clair Todibo deri më 30 qershor për 1.5 milionë euro”. “Klubi gjerman do të paguajë pagën e lojtarit dhe ka mundësinë për ta blerë për 25 milionë euro, plus pesë milionë euro bonuse. Nëse Schalke 04 do ta blejë lojtarin atëherë Barcelona mund ta riblejë atë për 50 milionë euro, plus 10 milionë euro”.
“Jean-Clair Todibo ka luajtur pesë ndeshje me Barcelonën prej që u transferua në janar të vitit 2019. Mbrojtësi bëri debutimin më 15 prill vitin e kaluar në ligë kundër Huescas dhe po ashtu ka luajtur me Blaugranan në Ligën e Kampionëve”.
