Kontrata aktuale midis Benzema dhe Real Madridit skadon më 2021, një vit më pas. Por, marrëveshja për ta zgjatur atë edhe për 12 muaj të tjerë është arritur tashmë. Mungonte vetëm firma, e cila, sipas Karim Djaziri, agjentit të francezit, më në fund ka mbërritur.
“E ardhmja pas Real Madridit? Ndoshta Lyon, – zbulon më tej agjenti. – Ai është klubi ku Karim filloi gjithçka, me të cilin vazhdon të jetë shumë afër. Sidoqoftë, nuk e dimë se çfarë do të ndodhë nesër, kështu që do të shohim. E sigurt është që Karim e ka pasur Lyon gjithnjë në zemrën e tij, edhe nëse luan sot për Realin. Ai është një nga të paktët futbollistë, që luajti vetëm në klubin që e formoi dhe në një tjetër”.
