Jamie Carragher mendon se Jurgen Klopp do të shmangë shpenzimet e tepërta në merkato dhe do të fokusohet të integrojë në ekipin e parë disa prej të rinjve të ekipit.
Me një kalendar të ngjeshur ku klubi ka luajtur në shumë kompeticione, Klopp i ka kthyer djemtë e akademisë në yje të rinj duke i akticizuar në FA Cup dhe Carabao Cup.
Për Carragher, dy lojtarë në veçanti, Neco Williams dhe Curtis Jones kanë përparësi për t’u integruar në ekipin e parë për sezonin e ardhshëm. “Mendoj se Neco Williams, me mënyrën se si ka luajtur, nuk të shkon mendja të kërkosh në merkato për një lojtar, po ashtu kanë edhe Curtis. Ai duket sikur që tani është një lojtar i ekipit të parë.” Jones, 19, dhe Williams, 18, kanë shfaqur shenja premtuese sa herë që u është dhënë mundësia.
