Në Kakavijë, Ambasadori i BE, Luigi Soreca dhe kreu i Policisë së Shtetit po kryejnë një inspektim të përbashkët të misionit Frontex me përfaqësues nga polici të disa vendeve. Kreu i Policisë së Shtetit, Ardi Veliu, gjatë takimit tha se forcat Frontex kanë bllokuar më shumë se 7000 shtetas nga më shumë se 10500 të tillë që kanë synuar të përdorin si tranzit territorin shqiptar.
Që prej 23 Dhjetorit, Frontex ka sekuestruar në Kakavijë 10 mjete luksoze që besohet se kanë lidhje me botën e krimit. Frontex ka tri drejtime kryesore bashkëpunimi me policinë shqiptare: parandalimin e krimit ndërkufitar, migrimin e paligjshëm dhe rritjen e kapaciteteve të policisë për të arritur standardet europiane.
