Goditja në tru ose siç njihet ndryshe hemoragjia cerberale është një sëmundje që manifestohet kur qarkullimi i gjakut drejt trurit ndërpritet si pasojë e një bllokimi të një ene të gjakut. Statistikat mbi përhapjen e kësaj sëmundjeje janë të pakëta, megjithatë, mjekët thonë se në 40 përqind të rasteve personat e prekur nga ishemia mbeten të paralizuar.
Të dhënat e deritanishme thonë se qarqet me numrin më të lartë të vdekjeve nga ishemia janë: Berati 5.7 vdekje për 1000 banorë Korça me 5.3 vdekje për 1000 banorë Shkodra me 5.1 vde kje për 1000 banorë Kukësi me 4.7 vdekje me 1000 banorë Qarqet me vdekshmërinë më të ulët nga sëmundjet ishemike janë: Durrësi me 3.4 vdekje për 1000 banorë Tirana me 3.5 vdekje për 1000 banorë, Elbasani me 4.6 vdekje për 1000 banorë Lezha me 4.1 vdekje për 1000 banorë. Neurologët në vend paralajmërojnë se njerëzit duhet të jenë të kujdesshëm ndaj disa shenjave kryesore të ishemisë.
Ato janë: Deformimi i një pjese të fytyrës Njerëzit që goditen nga ishemia në shumicën e rasteve pësojnë deformim të njërës anë të fytyrës. Nëse dyshoni për një problem të tillë, kërkojini personit të buzëqeshë dhe kësisoj do të dalloni ndonjë deformim të mundshëm. Dobësim i krahut Një nga shenjat më të përhapura është mpirja ose dobësimi i krahut. Nëse dyshoni që një person po preket nga ishemia, kërkojini t’i ngrejë të dy krahët lart dhe vëreni nëse njëri prej tyre ka vështirësi, shkruan AgroWeb.org.
Vështirësia në të folur Kur një person goditet nga ishemia, atëherë ai ose ajo e ka të pamundur të flaës ose të artikulojë fjalët. Nëse keni dyshime, kërkojini personit të thojë një fjalë të shkurtër. Nëse personi në fjalë e ka të vështirë të lidhë dy fjalë ose është krejt i paqartë, atëherë duhet të jetë duke pësuar një goditje në tru. Telefononi Urgjencën Nëse dikush ka simptoma të tilla, është shumë e rëndësishme që të reagoni shpejt dhe të telefononi urgjencën ose të shkoni menjëherë në spital.
