Një fotograf amator i quajtur Anil Prabhakar kapi një pamje interesante në një zonë pyjore në Borneo të Indonezisë.
Ndërsa ishte në një safari me miqtë e tij, fotografi u ndesh me një rojtar pylli që po pastronte gjarpërinjtë, armikun e betuar të orangutanëve, nga lumi.
Sipas Bored Panda, në atë moment një orangutang i afroi dorën njeriut, duke dashur ta ndihmonte.
“Dikush i tha që kishte një gjarpër në lumë. Mbrojtësi shkoi atje dhe pastroi shkurret. Një orangutan erdhi dhe po shikonte se çfarë po bënte. Ai pastaj u afrua dhe i dha dorën”, kujtoi momentin Prabhakar.
Fotografi tha që kujdestari i pyllit nuk pranoi të merrte dorën e orangutanit, sepse nuk dëshironte të prekte një kafshë të egër të panjohur.
Kujdestari i pyllit mori pjesë në takimet për një organizatë jofitimprurëse të quajtur “Borneo Orangutan Survival Foundation”.
Detyra e tij dhe 400 punonjësve të tjerë është të mbrojnë habitatin e orangutans, i cili shkatërrohet nga shpyllëzimi i shpejtë.
Fondacioni, i cili u themelua në 1991, aktualisht po kujdeset për 650 orangutanë.
“Duke mbrojtur orangutanët në habitatin e tyre natyror, mbrohen edhe një bollëk i tërë florës dhe faunës. Mbrojtja e habitatit të tyre pyjor është po aq i rëndësishëm për njerëzit aq sa është për jetën e egër”, thuhet në faqen e internetit të fondacionit
Ka 160 specie gjarpërinjsh që banojnë në pyjet tropikale të shiut të Borneo dhe shumë prej tyre përbëjnë një kërcënim serioz për orangutangët.
Për të mbrojtur këto kafshë, punonjësit e organizatës përpiqen të pastrojnë lumenjtë e gjarpërinjve dhe gjithashtu t’i mësojnë orangutangët të jenë të kujdesshëm ndaj rrezikut që ndodhet brenda pyllit.
