Hyrja për në Tiranë nga Kombinati po transformohet dita ditës duke marrë një pamje të re dhe dinjitoze.
Krahas projektit për rikonstruksionin e gjithë rrugës nga Fabrika e Miellit deri në Kombinat, po vijon puna edhe për heqjen e çdo servisi dhe varreze makinash, për t’i dhënë rrugës hapësirën e nevojshme.
Kryetari i Bashkisë së Tiranës ka postuar një video në instagram ku njofton edhe shembjen e ndërtesës së fundit që kishte zaptuar Rrugën e Kombinatit.
“Ikën dhe çibani i fundit nga rruga e Kombinatit ??? #TiranaNukNdalet ? #Tirana100 ??”, shkruan kryebashkiaku Veliaj në videon e postuar në Instagram.
Rruga e Kombinatit është transformuar, duke i krijuar qytetarëve lehtësira me shtimin e korsive të dedikuara për biçikleta. Gjithashtu po ndërhyhet në të gjithë rrugët dytësore, për një rrjet të plotë të rrugëve të asfaltuara në zonë.
