Ministrja e Kulturës Elva Margariti tha se tashmë ka mbaruar gjithë procesi i vlerësimit të dëmeve nga tërmeti i 26 nëntorit dhe ka një vlerësim të gjithë gradës së rrezikshmërisë dhe dëmit të godinave të klasifikuara këto nga DS 0 deri në DS 5, që janë gradat më emergjente për ndërhyrje.
Në një intervistë televizive, Margariti u shpreh se: “Këto të dhëna na kanë shërbyer për të patur një numër të familjeve që janë në nevojë për banesa dhe nëpërmjet bashkive ky informacion i marrë në hartë dhe në dëm, është përkthyer në numër të detajuar të familjarëve të çdo banese”.
Ajo solli në vëmendje se, në një familje e cila me 6 anëtarë që më parë ka jetuar në një banesë me 60 ose 70 m2, kjo familje futet sipas numrit të banorëve detyrimisht në një hapsirë më të madhe nga 90 deri në 100 m2. “Kemi 24+1 zona të reja pasi në Durrës kemi përcaktuar dhe disa ishuj të vegjël. Në zonat rurale si në Thumanë, Bubq etj, aty kemi ecur me krijimin e standardit të ri jetesës”, u shpreh ajo.
“Aty ku zonat rurale janë të shpërndara në mënyrë sporadike, ata mblidhen në një komunitet ku kanë të gjitha ekseset publike në administratë në qendrat shëndetësore. Pra kanë një hapësirë urbane të përbashkët, po jo të drejtën për shtëpinë që nuk është më e banueshme”- tha Margariti.
Ajo theksoi se, periudha e rindërtimit është një periudhë që ndjek disa faza. Kemi disa plane që do miratohen në 26 shkurt që do të thotë me miratimin e tyre hyjmë në fazën e Rindërtimit, rasti i Thumanës, rast i Laçit kur kemi bashkëpunimin
Duke u ndalur në fondin për Rindërtim, ajo tha, “se ky fond është në dinamikë dhe ajo çfarë presim nga Konferenca e Donatorëve, është fakti, që ndër të tjera të tregojmë edhe të gjithë punën e mirë që është bërë dhe vetë hartimi i këtij planë të detajuar edhe me donatorë, tregon qasjen që ka pasur shteti shqiptar ndaj kësaj situate dhe konkretisht me plane afatgjatë mbështetje, në të gjitha këndvështrimet” .
“Zonat e reja të zhvillimit përfshijnë 24+1. Kemi bashkëpunim me studio shqiptare dhe të huaja që plotësojnë standardet e bashkëpunimit, për të hyrë në proces në koordinim edhe me planet vendore sipas të gjitha kushteve të reja të zhvillimit.Fundi i shkurtit, fillimi i marsit do të jetë koha e dorëzimit të planeve dhe më pas do të nisë puna. Laçi është zona e parë dhe pas firmosjes me palën turke në datën 26 shkurt, do të kemi rrugën e lirë për të nisur rindërtimin me teknologjitë e reja bashkëkohore”- tha ajo.
