Ministri i Bujqësisë dhe Zhvillimit Rural, Bledi Çuçi, bashkë me Presidentin e Bullgarisë, Rumen Radev vizituan zonat e prekura nga tërmeti në Durrës. Ministri Çuçi e njohu presidentin bullgar me pasojat e tërmetit shkatërrimtar të 26 nëntorit dhe punën që ka nisur me programin e madh të rindërtimit.
Ministri Çuçi tha se “Bullgaria ishte një prej vendeve të para që ofroi mbështetje për Shqipërinë gjatë situatës emergjente, me mjete logjistike dhe ekspertë për vlerësimin e objekteve, si dhe kontribuoi më pas në Konferencën e Donatorëve”.
