Ndërsa dizanjuesi gjerman Karl Friedrich Benz është i njohur për pothuajse të gjithë ata që ndjekin historinë e industrisë së automjeteve, sepse ai krijoi Motorwagen Benz Patent, gruaja e tij Bertha Benz, është ende e pazbuluar në madhështinë e saj, përcaktuese në markën më prestigjoze të automjeteve.
Përkatësisht, Bertha Benz është e kredituar në mënyrë të barabartë me suksesin e projektit të parë të automjeteve motorike, karrocën e motorizuar të quajtur Motor Benz Patentë. Ajo e dinte që burri i saj shpesh ishte i dyzuar për shpikjet e tij, se kishte shumë pak besim te vetja dhe aftësitë e tij, edhe pse ishte një inovator i shkëlqyer.
Për t’i provuar atij se Benz Patent Motorwagen ishte një shpikje vërtet e shkëlqyer, një mëngjes gushti të vitit 1888, me ndihmën e djemve, ajo nxorri me qetësi automjetin nga garazhi dhe u nis në një udhëtim të guximshëm prej më shumë se 200 kilometrash me ta.
Kur Karl Friedrich Benz u zgjua, gjeti mesazhin e Berthës në tryezë duke thënë se ajo ishte larguar me fëmijët, Richardin 13 vjeç dhe Eugenin 15 vjeç, për të vizituar nënën e saj gati 100 km larg. Në këtë rrugëtim, Bertha Benz hasi në vështirësi të shumta, por me njohuritë e saj të lakmueshme për inxhinierinë mekanike ishte në gjendje të zgjidhte gjithçka.
Kështu, kur motori 0.9 kuajfuqi u nxeh, ajo e futi karrocën motorike në një pellg uji. Kur frenat prej druri dështuan, ajo u ndal te një marangoz ku i bëri prej lëkure. Kur linja e karburantit u bllokua, ajo përdori një gjilpërë nga kapela e saj për ta zhbllokuar. Kur pati një problem me telat ndezës, hoqi çorapet duke i izoluar ato. Në gjysmën e rrugës, kur u la nga karburanti, ndaloi në një farmaci dhe bleu naftë.
Në thelb, Bertha Benz gjeti një zgjidhje për të gjitha, dhe në fund të një dite të plotë udhëtimi, ajo mbërriti te nëna e saj ku ndenji gati tre ditë dhe më pas u kthye në shtëpi në të njëjtën mënyrë, duke përfunduar një udhëtim me një gjatësi totale prej më shumë se 200 kilometra.
Gjatë këtij udhëtimi nga Mannheimi në Pforzheim e kthim, Bertha Benz shkroi historinë saj, si dhe të Benz Patent Motorwagen.
Kur u kthye në shtëpi, ajo i tregoi Karl Friedrich Benz të gjitha vështirësitë që hasi, duke e orientuar drejt modifikimeve të para.
Kështu pra, një grua dhe guximi i saj, kanë gjurmët e tyre në perandorinë mbi katër rrota – Mercedez Benz.
