Autoriteti i Mediave Audiovizive ka apeluar sot mediet që të evitojnë rrethanave me studio televizive me prezencë të publikut, pasi përbën rrezik për përhapjes e koronavirusit. Në një njoftim për mediet, AMA vlerëson angazhimin e redaksive audiovizive për raportimin dhe mbulimin e situatës së krijuar nga përhapja e koronavirusit.
“Informimi mbi dinamikën e situatës në terren dhe udhëzimet e autoriteteve të shëndetit, si dhe ekspertët janë bazë shumë e vlefshme për sqarimin dhe orientimin e publikut në vlerësimin realist të gjendjes, si dhe trajtimin eficent të problematikave që hasen” shprehet AMA. AMA apelon për kujdes në rastet e programeve të drejtpërdrejta ose me regjistrim në studio audiovizive që kanë përqendrim personash, për të respektuar kërkesat e disatancave optimale mes tyre. Po ashtu AMA thekson se “Evitimi i rrethanave me studio televizive që aplikojnë formatet programore me prezencë të përqendruar të publikut, do të jetë ndihmë në parandalimin e rreziqeve të përhapjes së koronavirusit nga persona potecialisht të infektuar, bazuar dhe në udhëzimet e bëra publike nga Ministria e Shëndetësisë”.
