Familja Baruti prej 6 anëtarësh, tashmë janë akomoduar në një shtëpi me qira në zonën e Maminasit, pasi banesa e tyre u dëmtua nga tërmeti. Në një vizitë që bëri në familje këtë mëngjes, kryeministri Edi Rama tha se në maj do të dilet në terren për të bërë shtëpitë e reja në kuadër të rindërtimit, ku tha se ajo banesë do të jetë më mirë se shtëpia që kishin. Bonusi i qirasë është përfituar nga Bashkia e Shijakut.
Qeveria nis dëgjesat publike për rindërtimin, sot takimi i dytë në Shijak Kryefamiljari: Të ka rënë peshë e rëndë Kryefamiljari: Shtëpia tjetër është e dëmtuar. Rama: Si shtëpia jote nuk ka, por kjo është e përkohshme, do ua bëjmë atë tjetrën më të mirë se ç’e kishit. Nga maji do të dalim në terren të ndërtojmë shtëpitë. Angazhimi është që vitin e ri t’i mblidhni të gjithë te shtëpia e re. Në familjen e madhe të mbushur me nipër e mbesa, Rama ndau edhe një batutë me një të ri që pas tërmetit të 26 nëntorit ndodhej në çadër me prindërit e tij dhe me vajzën që sapo ishte fejuar. “Ishte baba me nonën dhe çuni kishte marrë Xhulietën e vet dhe e kishin ndarë çadrën me krevat. Ç’a të bjë unë tha u fejova sa ra tërmeti nuk mund të pres shtëpinë…tërmet mrena”, tha Rama. Kreu i qeverisë tha se shtëpitë e reja do të bëhën anti-sizmike, duke thënë se në to kursehet energjia në masën 30%, sepse ke më pak nevojë për të përdorur ngrohtje, për shkak se janë të ngrohta në dimër dhe të freskëta në verë. “Kanë 70 vjet garanci, vetëm çfarë mund të lyhesh ndonjë gjë. Nuk ka nevojë për riparime, edhe erën e përballojnë shumë mirë. Edhe muret i kanë të izoluara, kështu që nëse ka tërmet në ndonjë dhomë nuk dëgjohet nga dhoma tjetër”, tha Rama.
