Skuadra me mjekë e infermierë shqiptarë i bashkohet ekipit mjekësor në Bergamo, kryeministri italian: Faleminderit Shqipëri!

Një ditë pasi qeveria shqiptare dërgoi në Bergamo një skuadër prej 30 mjekësh e infermierësh për t’ju bashkuar bluzave të bardha në vijën e parë të luftës kundër COVID-19, vjen një reagim nga kryeministri italian Giuseppe Conte.

Ky i fundit e teksa ka shpërndarë në faqen e tij zyrtare në ‘Facebook’ fjalimin e homologut të tij, Edi Rama, ka falënderuar autoritetet shqiptare. “Faleminderit”, shkruan Conte, ndërsa ka publikuar dhe ikonën e flamurit shqiptar.