Bamirësia nuk të varfëron! Nën këtë slogan, fondacioni “Fundjavë ndryshe” zgjodhi qytetin e Gramshit dhe njësitë administrative përreth, për të ndihmuar me pako ushqimore 50 familje në nevojë.
Falenderimet, mirënjohja dhe dëshira për të dhuruar, u pa dhe te të pamundurit e këtij qyteti.
Kryetari i bashkisë, Klodian Tace, u shpreh se misionet humanitare, do të vijojnë, për të lehtësuar sado pak vështirësitë për këtë kategori.
Koordinatori i Fundjavë Ndryshe pati një apel për të gjithë, në këtë kohë pandemie.
“Nëse kemi menduar të ndihmojmë ndonjëherë njëri-tjetrin, sot është koha më e mirë që t’i ndihmojmë”.
