Ekspertët mjekësorë kanë bërë thirrje për të patur një vigjilencë shtesë në lidhje me sëmundjet që shkaktohen nga nxehtësia gjatë verës. Ata shprehen te shqetësuar se vënia e maskave për parandalimin e përhapjes së koronavirusit mund të shkaktojë sëmundje të shumta siç është vështirësia në frymëmarrje dhe dehidratimi. “Vendosja e maskave gjatë muajve të nxehtë dhe të lagësht të verës do të jetë një përvojë e re për shumë njerëz”, tha Yasufumi Miyake, kreu i qendrës së shërbimit të avancuar të urgjencës mjekësore në Spitalin Universitar Teikyo të Tokyos.
Maska në verë e vështirëson arritjen e ajrit të freskët në mushkëri dhe muskujt e frymëmarrjes aktivizohen duke rezultuar në gulçim, gjë që rrit temperaturën e brendshme të turpit. Miyake theksoi se është e rëndësishme që të mbani trupin tuaj të ftohtë në mënyrë që të parandaloni rraskapitjen dhe problemet e tjera që shkaktojnë temperaturat e larta. Ai sugjeron të ndizni kondicionerët, të pini ujë në intervale të rregullta dhe të pushoni sa më shpesh.
Noriyuki Koibuchi, një profesor në në Universitetin Gunma, i specializuar në fiziologjinë mjedisore, ka treguar se fytyra ka shumë fije nervore që janë më të ndjeshme ndaj nxehtësisë dhe të ftohtit sesa pjesët e tjera të trupit. Ai rekomandoi të lehtësimin e sikletit duke freskuar ballin dhe qafën edhe gjatë mbajtjes së një maskë. “Kur vini maskë, ju merrni frymë më shpesh dhe lodheni, prandaj duhet të shmangni stërvitjet e forta”, ka thënë Koibuchi. Në Kinë, të paktën dy nxënës të shkollave të mesme vdiqën muajin e kaluar ndërsa mbanin maska për fytyrën gjatë ushtrimeve fizike. Vde kjet kanë bërë që ekspertët të paralajmërojnë për rreziqet e vendosjes së maskës gjatë ushtrimeve fizike të cilat mund të çojnë në mungesë të oksigjenit.
