Max Allegri po bisedon me PSG për të pasuar në krye të kampionëve të Francës trajnerin Thomas Tuchel. Gjermani mund të largohet në fund të sezonit dhe vendin e tij mund ta zërë ish-tekniku i Juventusit.Le10sport.com dhe Sport shkruajnë se kalimi i mundshëm i Allegrit në Francë mund të ndikojë dhe në të ardhmen e Miralem Pjanic. Boshnjaku duket afër Barcelonës, por gjërat mund të ndryshojnë dhe 30-vjeçari t’i bashkohet ish-trajnerit të tij.
Torinezët mund të pranojnë diçka të tillë, pasi janë lodhur nga refuzimet e vazhdueshme të Arthurit. Braziliani nuk pranon shkëmbimin me Pjanic për të kaluar në Itali. Juventusi mund të shfrytëzojë momentin dhe të tentojë rrëmbimin e Marco Verratit. Italiani nuk ka luajtur kurrë në Serie A dhe joshet nga një ide e tillë.
