Sot është dita e Fitër Bajramit dhe shumë artistë shqiptarë kanë uruar përmes rrjeteve sociale. Mes tyre është edhe Bes Kallaku, i cili ka zgjedhur të postojë një foto që ka revoltuar disi fansat e tij.
Ai shfaqet duke pozuar me një qengj të vogël në krahë, ndërsa shkruan: “Për hajër Bajrami”!
Menjëherë fotoja është mbushur me komente të tipit: “Mos e ther o Bes se është shumë i vogël”. Ka dhe nga ata që shkruajnë: “S’është Kurban Bajrami por Fiter Bajrami.. në vend të këtij duhet jetë ëmbëlsira?.. Faleminderit, urime të gjithëve ???”!
“Ai e ka radhën vitin tjetër, nxirr një foto me babai e tij! ? Gëzuar Bajramin, shëndet dhe begati në çdo familje! ?”, vijon një tjetër koment.
Besi nuk ka reaguar ende për këto komente dhe as nuk e ka fshirë foton e tij. Por ai gjithnjë ka treguar se i do shumë kafshët, madje për këtë pjesë i ka ngjarë edhe vajza e tij e vogël Ajka e cila rend pas tyre sa herë që viziton fshatin.
Për më tepër, aktori është i krishterë dhe një një foto të ngjashme e ka publikuar në fillim të muajit, që do të thotë se qengji i tij nuk është bërë sot kurban për Bajram.
