Organizata Botërore e Shëndetit lëshoi sot udhëzime të reja në lidhje me maskat duke këshilluar përdorimin e saj kur ka një transmetim të gjerë të koronavirusit të ri dhe kur distancimi fizik është e vështirë për t’u mbajtur.
“Duke patur parasysh evolucionin e të dhënave, OBSH-ja i këshillon qeveritë të inkurajojnë publikun e gjerë që të përdorë maska, kur transmetimi është i përhapur dhe distancimi fizik është i pamundur”, tha kreu i OBSH-së, Tedros Adhanom Ghebreyesus, gjatë një konference për shtyp.
“Së dyti, ne rekomandojmë që personat e moshës 60 vjeç e sipër ose ata që vuajnë nga probleme mjekësore para-ekzistuese, të mbajnë një maskë, në situatat kur distancimi fizik nuk është i mundur”, shtoi ai.
Ghebreyesus vuri në dukje se udhëzimet e reja u zhvilluan pas ekzaminimit të të dhënave në dispozicion dhe këshillimeve me shumë ekspertë e grupe të shoqërisë civile.
