Kryeministri Edi Rama vlerësoi sot punën e palodhur të bluzave të bardha në përballje me COVID-19, ndërsa uroi për ditëlindje njërën prej herorinave të heshtura, infermiere Luljeta Duraj, që shërben pranë pacientëbe në spitalin Shefqet Ndroqi. Mirëmëngjes dhe me urimin për një fundjavë të qetë për të gjithë ju, i uroj ditëlindjen një prej heroinave të heshtura, që edhe në ditëlindjen e saj është mes pacientëve që luftojnë me virusin e rrezikshëm COVID-19. Kryeministri tha se këto janë edhe ditët kur mund të ndjehemi me fat, që kemi njerëz si Luljeta në vështirësinë që po kalojmë.Prej 18 vitesh në shërbim të pacientëve, këto janë ndër ditët e vështira për Luljeta Durajn, nënë e tre fëmijëve, infermiere në spitalin COVID2 Shefqet Ndroqi, po janë edhe ditët kur mund të ndjehemi me fat, që kemi njerëz si Luljeta në vështirësinë që po kalojmë, shkruan kryeministri Rama.
