Kryeministri Rama publikon pamjet e shkollës “Neim Babameto” në Durrës që po rilind

Shkolla “Neim Babameto” në Durrës u shkat ërrua natën e 26 nëntorit, sot po rilind më e madhe, më e bukur e me plot risi për nxënësit e për trupën pedagogjike, falë projektit fantastik të arkitektit të famshëm italian, Mario Cuccinella. Kryeministri Rama ka uruar sot mirëmëngjes me pamje nga kantieri i ndërtimit të kësaj shkolle.

“Mirëmëngjes dhe me një përqafim nga larg, për nxënësit, prindërit, mësuesit e shkollës “Neim Babameto” në Durrës, disa prej të cilëve atë ditë pas tragjedisë i gjeta të përlotur në oborrin ku shkolla qe kthyer në një shëmbëlltyrë të rrë nimit të gjithandejshëm, ju uroj të gjithëve ju një ditë të mbarë”, shprehet Rama.

Shkollat e dëmtuara nga tërmeti i 26 nëntorit do rindërtohen me financim nga buxheti i shtetit. Me financimin e buxhetit të shtetit do rindërtohen 143 shkolla të reja me standarde europiane të cilat do jenë gati brenda vitit 2021.