Teuta ka arritur të triumfojë në finale e Kupës së Shqipërisë, duke mundur 2-0 kampionët e saposhpallur, Tiranën e Egbo. Për ekipin durrsak është Kupa e shtatë në histori, teksa kishin plot 13 vite që djemtë e detit nuk e ngrinin këtë trofe.Nga një gol për pjesë (Rustem Hoxha dhe Lorenc Vila) gjunjëzuan Tiranën që pas fitimit të titullit kampion nuk mund të bëjë “double”. Për skuadrën e Edi Martinit sezoni mbyllet me një trofe, teksa në kampionat e mbyllën në vend të katërt renditjen. Lorenco Vila është ai i cili ka ndëshkuar Tiranës, pas një huqi të Kristi Vangjelit. Sulmuesi anësor, i vetëm me portierin kundërshtar nuk gaboi dhe më pas vrapoi gjatë duke festuar.
