Manchester City është duke planifikuar t’i transferojë edhe pesë lojtarë të tjerë gjatë afatit kalimtar të verës dhe dëshiron që të gjitha këto transferime t’i përfundojë para 12 shtatorit. Klubi e kompletoi transferimin e anësorit Ferran Torres nga Valencia për 37 milionë funte të martën dhe pritet që së shpejti ta kompletojnë edhe transferimin e Nathan Ake nga Bournemouth për 41 milionë funte, transmeton Gazeta Express.
Mbrojtësit janë tani prioriteti i Pep Guardiolës për këtë verë, pasi që ai po e kërkon një mbrojtës të krahut të majtë dhe një qendërmbrojtës, pozitë kjo për të cilën e ka identifikuar Kalidou Koulibalyn e Napolit. Në repartet e tjera, Manchester City do të duhet të gjejë zëvendësues më afatgjatë për dy lojtarë legjendarë të klubit, David Silvan dhe Sergio Agueron.
Lautaro Martinezi i Interit mbetet zgjedhja numër një e Guardiolën për pozitën e qendërsulmuesit, ndërsa Athletic raporton se Manchester City është interesuar edhe Joao Felixin e Atletico Madridit. Manchester City ka kohë deri më 5 tetor për kompletimin e këtyre transferimeve, mirëpo Guardiola e ka udhëzuar klubin t’i kompletojë deri më 12 shtator në mënyrë që të ketë kohë t’i përgatisë ata me skuadër për sezonin e ri.
