Teksa jemi në prag të vitit të ri shkollor, kryeministri Edi Rama ka dhënë lajmin e mirë për nxënësit nga klasa e parë deri në klasën e shtatë të cilët tashmë do i marrin librat falas. Përmes video-s të publikuar në llogarinë e tij të Facebook Rama njofton gjithashtu se librat do jepen falas edhe për nxënësit e kategorive të veçanta nga klasa e parë deri në të dymbëdhjetën. Postimi i plotë: LIBRAT FALAS ishin një stërpremtim i qeverive më parë, sot janë një realitet dhe jo vetëm kaq, po në vend të xhunglës së korrupsionit me titujt e me duzinat e “alternativave”, të sajuara për lekë e me arrna kopjimesh të këqija, sot nxënësit marrin FALAS libra të Oxford, Cambridge dhe Pearson, burimet më cilësore të dijes në Europë. (Lexo.al)
