Portali i financuar nga familja Berisha, Syri.net ka prodhuar një lajm të rremë dhe tërësisht aprofesional. Duke marrë një koment që i ishte bërë kryeministrit në Facebook (postimi i kryeministrit: 
portali pa bërë asnjë verifikim, cilëson një profil me emrin Elisabeta Kyçuku që komenton, si zonjën në foto. 
E gjitha kjo bëhej për të thënë se zonja ne foto përgënjeshtron kryeministrin.
Por si është e vërteta? Në fakt, profili me emrin Elisabeta Kyçuku që portali “Berisha” e konsideron si zonjën që Rama kishte publikuar në Facebbok me foto, nuk është i saji, pasi ajo është krejt tjetër person. Zonja në foto nuk quhet Elisabeta por Enirjeta Zisi. Zonja Zisi e cila para 5 ditësh ka lindur djalin e saj Henrin, në një reagim për Lexo.al ka hedhur poshte lajmin.
Në përgjigje të Lexo.al ajo shprehet se nuk ka bërë asnjë koment të tillë dhe se në fakt nuk ka asnje pakënaqesi, përkundrazi është e lumtur që si ajo dhe djali i saj gezojnë shëndet të plotë falë doktorëve dhe stafit të spitalit Koço Gliozheni.
Më poshtë po ju sjellim reagimin e zonjës në foto (Enirjeta Zisit) për Lexo.al.
Lexo.al: Përshëndetje. Sot fotoja juaj me djalin u bë lajm pasi dikush me emrin Elisabeta, e cila kishte ankesa, shkruante në Facebookun e kryeministrit dhe disa portale thanë që ajo zonja jeni ju. Sa e vërtetë është kjo?
ENIRJETA: Ajo zonja që ju sapo përmendet nuk jam unë pasi vetë une u njoftova pak më parë që po qarkullon një lajm i këtij formati. Në foto jam unë me tim bir, Henrin.
Lexo.al: Sa i përket familjes dhe ardhjes së djalit tuaj në jetë a keni ndonjë pakënaqësi apo rast që nuk ju është ofruar nga institucionet përkatëse?
Enirjeta: Nuk kam asnjë pakënaqësi përkundrazi jam e lumtur që si une dhe djali im gezojmë shëndet të plotë falë doktorëve dhe stafit të spitalit Koço Gliozheni.
Kjo është e vërteta e një lajmi tjetër të rremë nga portali syri.net. I cili mesa duket ka marrë nga partia një koment për të bërë propagandë, sepse vetëm gazetari kjo nuk quhet. /Lexo.al.
Foto e Enirjetës me djalin postuar nga Rama:
