Liga Profesioniste e Futbollit njofton zyrtarisht se kryeministri Edi Rama ende nuk ka kthyer asnjë përgjigjie për kërkesat e saj dhe klubeve shqiptare. U duk se pas takimit Duka_Rama do të kishte një dakordësi, ose të paktën një garanci që do të çonte në fillimin e Superligës këtë sezon, por duket se Liga Profesioniste është e vendosur të çojë kauzën deri në fund. Të hënën në 11:00 Liga mblidhet në ”Air Albania” Stadium për të vendosur mbi hapat e mëtejshëm.
NJOFTIMI NGA LIGA: Liga Profesioniste e Futbollit bën të ditur se akoma nuk ka një përgjigje zyrtare nga ana e Qeverisë për kërkesat e saj dërguar Kryeministrit.
Në këto kushte, Liga do të mblidhet sërish ditën e hënë datë 26.10.2020 ora 11:00 në ambjentet e Stadiumit “Air Albania” për të diskutuar dhe vendosur mbi hapat e mëtejshme.
