Kryeministri Edi Rama ka udhëtuar ditën e sotme drejt Abu Dabit dhe nga atje ka bërë një lidhje live duke shpjeguar arsyën e kësaj vizite.
Mbi video ai shkruan: Kryeministri Rama në Abu Dabi, Emiratet e Bashkuara ku firmosim sot marrëveshjen e financimit dhe ndërtimit të 2000 apartamenteve të reja në Durrës, si edhe marrëveshjen ndërqeveritare për një program investimesh e përfshirjeje të kompanive më të mëdha emiratase. Nisim së shpejti me investimin e madh për transformimin e portit të Durrësit, në një nga portet më të bukur e më të mëdhenj turistikë të Mesdheut.
