Enti Rregullator i Kinës miratoi për përdorim vaksinën e koronavirusit të zhvilluar nga gjigandi farmaceutik shtetëror Sinopharm, njoftuan zyrtarët lokalë. Sinopharm tha se vaksina e saj e koronavirusit është 79,34 për qind efektive, duke përmendur analizën e ndërmjetme të provave klinike të fazës 3.
Tashmë në këtë fazë të pandemisë janë 5 vaksina që po përdoren për të luftuar koronavirusin, Pfizer, Moderna, Sputnik V dhe dy të miratuarat në orët e fundit të AstraZeneca dhe Sinovac.
Instituti i Produkteve Biologjike të Pekinit Co., një degë e Sinopharm, tha në një deklaratë të botuar të mërkurën se rezultatet e përkohshme tregojnë se vaksina Sinopharm është e sigurt dhe njerëzit që morën dy doza prodhuan antitrupa të nivelit të lartë.
Vaksina Sinopharm ka një normë më të lartë të efikasitetit sesa ajo e zhvilluar nga Universiteti i Mbretërisë së Bashkuar Oxford dhe AstraZeneca , i cili mesatarisht ishte 70%. Të mërkurën, Britania u bë vendi i parë që miratoi vaksinën e AstraZeneca.
