E pamundur për ta kapur atë në një shkrepje të vetme. A68 është ajsbergu më i madh në botë dhe prej muajsh trajektorja e tij ka shqetësuar shumë ekspertët. Rrymat e detit e kanë shtyrë atë drejt territorit britanik përtej detit të Gjeorgjisë Jugore. Tani është vetëm 200 km larg ishullit dhe ekziston një mundësi reale që ai të mbërthehet në ujërat e cekëta bregdetare.
Një aeroplan nga RAF, Forca Ajrore e Mbretërisë së Bashkuar, arriti të kapte këto pamje të pabesueshme ndërsa udhëtonte përtej Atlantikut Jugor. Imazhet zbulojnë çarje që shtrihen nën vijën e ujit dhe konfirmojnë atë që është vërejtur edhe në imazhet satelitore të fituara javët e fundit. Veprimi i pamëshirshëm i valëve po gërryen akullin i cili ndahet në copa pak a shumë të mëdha. Këto të fundit do të duhet të gjurmohen për shkak të rreziqeve që ata mund të paraqesin për lundrimin.
