Në Itali janë vaksinuar 1 milion qytetarë, duke u bërë vendi i parë në BE që kap këtë rekord. Lajmi është njoftuar nga kryeministri Giuseppe Conte përmes një postimi në rrjetet sociale.
“Një fakt inkurajues. Le të vazhdojmë kështu, duke mbajtur gjithnjë vigjilencën tonë”, shkroi ai. Sipas Walter Ricciardi, këshilltar i Ministrit Speranza, “nëse i bëjmë gjërat siç duhet, në fund të vitit 2021 mund të arrijmë një gjendje paranormaliteti”.
