Gjatë gjithë pandemisë, ne jemi mësuar të mbajmë maska dhe për të kuptuar njëri-tjetrin kemi filluar të flasim më shumë me gjeste, duke u kuptuar me shikim ose thjesht duke ngritur pak më shumë tonin e zërit. Por si po përshtaten foshnjat dhe fëmijët e vegjël? Si po ndikon e gjithë kjo në zhvillimin e tyre njohës dhe përvetësimin e gjuhës?
“Nëse vendosim një maskë, tingulli që foshnjat dëgjojnë mund të jetë i mbytur dhe ata gjithashtu nuk mund të shohin buzët dhe shprehjet tona të fytyrës. Kështu që pa dyshim që do të ketë një ndikim në zhvillimin e të folurës “, tha Janette Chow, një studiuese në Departamentin e Psikologjisë.
Maskat dhe bllokimet mund të kufizojnë si sasinë ashtu edhe cilësinë e ekspozimit që fëmijët kanë ndaj të folurit, dhe kryesisht u takon prindërve që të përpiqen ta kompensojnë atë, shtoi Chow. “Ndërveprimi është thelbësor si prind. Ne duhet të angazhohemi me fëmijët tanë përveç lojërave të zakonshme dhe leximit. Mund të na duhet të gjejmë zgjidhje më krijuese.”
