Të paktën 3 sondazhe të publikuara gjatë javës që po mbyllet, nxjerrin fituese Partinë Socialiste në zgjedhjet e 25 prillit. Tirana duket se është qarku që udhëheq garën drejt fitores së mandatit të tretë. Le ti shohim sondazhet me rradhë.
Report Tv dhe Instituti prestigjioz italian Piepoli, kanë sjellë në mbrëmje sondazhin e katërt për zgjedhjet politike të 25 prillit. Sondazhi i katërt vjen në kohën kur kanë mbetur më pak se një muaj e gjysmë para zgjedhjeve dhe po transmetohet gjatë programit “Repolitix” të drejtuar nga gazetari Denis Minga. Nëse do të votohej ditën e sotme në Tiranë, PS do të fitonte, e ndërsa LSI do të kishte një rënie krahasuar nga zgjedhjet e 2017. Rezultati surprizë është partia e Tom Doshit në kryeqytet, ku qytetarët do i jepnin 2 mandate.
Analiza e 3 sondazheve/ Tirana udhëheq fitoren e Partisë SocialisteAnaliza e 3 sondazheve/ Tirana udhëheq fitoren e Partisë Socialiste Ndërkohë, deklaratat kërcënuese dhe sjellët e fundit të Presidenti Ilir Meta, gjysma e qytetarëve e cilëson si fushatë për opozitën. Ndërsa shumica e qytetarëve mendojnë se thirrja e SHBA-së për kandidatë të pastër në lista shkon për të gjitha partitë politike në Shqipëri. 60% e shqiptarëve nuk janë dakord me marrëveshjen e nënshkruar nga PD-LSI për një koalicion qeveritar pas zgjedhjeve nëse dalin fituese duke e cilësuar atë si negative.
Për herë të parë instituti Piepoli në këtë sondazh sjell efektin që ka shkaktuar krijimi i koalicionit PD-Aleanca për Ndryshim. Gjithashtu për herë të parë Instituti Piepoli do të përllogarisë dhe shpërndarjen e mandateve në nivel kombëtar dhe në nivel qarqesh nëse zgjedhjet do të mbaheshin sot.
Livio Gigliuto, zëvendës presidenti i institutit Piepoli tha se në sondazhin e sotëm ka pasur një kampion më përfaqësues, ku në total janë pyetur 1000 qytetarë, të ndarë në qarqe. Pyetja e parë që iu është drejtuar qytetarëve është se si e ka menaxhuar kryeministri Edi Rama pandeminë e COVID-19. ku 49% pro masave të marra, 40% janë kundër.Instituti Piepoli i cili prej 60 vitesh realizon në Itali sondazhe zgjedhore për RAI-n dhe për televizionet më të rëndësishme kombëtare, ka bërë një marrëveshje me Report Tv për të ndjekur gjithë procesin zgjedhor në Shqipëri deri më 25 prill 2021. Edhe më parë falë këtij bashkëpunimi Instituti prestigjioz Piepoli arriti të parashikonte saktësisht zgjedhjet e përgjithshme të vitit 2013 dhe 2017 në Shqipëri.
Top Channel dhe kompania e sondazheve IPSOS publikoi sondazhin e dytë për zgjedhjet e 25 prillit.
Në gjetjet e këtij sondazhi Partia Socialiste mbetet forca me e votuar, por opozita ka një përmirësim të lehtë në shifra.
Nga 49.5 përqind, PS tani merr 48.7 përqind, ndërsa partitë e opozitës PD e LSI nga 44.4 përqind tani marrin 45.2 përqind. Në sondazhin e dytë të anketuarit i janë përgjigjur edhe pyetjes se cili është lider më i fortë dhe në këtë pyetje, Rama ka një avantazh të dukshëm. Nëpërmjet telefonit (90 përqind) dhe më pak online (10 përqind) janë intervistuar 1519 votues nga data 3 mars deri më 9 mars. Ndërsa marzhi i gabimit është vendosur në 2.39 përqind.
Drejtimi i duhur? Sërish zgjedhësit janë pyetur nëse Shqipëria po shkon në drejtimin e duhur dhe njësoj si një sondazhin e parë 38 përqind përgjigjen pozitivisht dhe 47 përqind negativisht, ndërsa 8 përqind asnjanës. Ndërkohë ka një përkeqësim të shifrave në pyetjen se si po trajtohej çështja e pandemisë.
Lideri më i mirë? Në sondazhin e dytë zgjedhësit janë pyetur se si i shikojnë dy liderët Rama dhe Basha. Kryeministri është në avantazh dhe shikohet si lider më i fortë nga 62 përqind e të anketuarve, më i aftë nga 55 përqind, më i besueshëm nga 44 përqind dhe 45 përqind mendojnë se ai zotëron mirë politikat ekonomike. Në pyetjen se cilin preferonin për të drejtuar vendin Rama është sërish në avantazh me 39 përqind ndërsa Basha i dyti por me një përmirësim të ndjeshëm. Nga 29 përqind që ishte në sondazhin e parë në 33 përqind në sondazhin e dytë.
Qeveria dhe opozita në çështjet e mëdha?
Vlerësimi i qeverisë për trajtimin e çështjeve të mëdha, mendimi pozitiv qëndron sërish në 56 përqind por ka një rritje me 1 përqind mendimi negativ. Ndërkohë ka një përmirësim për sa i përket mendimit të njerëzve për mënyrën se si po i trajton opozita çështjet e mëdha.
Kush i fiton zgjedhjet. Ja ku ka avantazh PD. Ndryshim të dukshëm ka në rezultatet e pyetjes, se kush do fitojë zgjedhjet, PS në sondazhin e dytë humbi dy pikë më pak duke zbritur nga 44 përqind në 42 përqind dhe PD fiton tre pikë më shumë duke u ngjitur nga 24 përqind në 27 përqind.
Ndryshim të dukshëm ka pyetja kryesore, se për kë do votohej në zgjedhje, nga 49,5 përqind Partia Socialiste ka zbritur në 48,7 përqind dhe PD që ishte 39,3 është rritur me 1.3 pikë në 40,6 përqind. Ndërsa LSI ka një rënie me 0,5 përqind nga 5,1 në 4,6 përqind.
Si ndahen mandatet në Tiranë, Durrës dhe Elbasan. Në sondazhin e dytë është bërë dhe një ndarje sipas qarqeve, kështu në Tiranë PS merr 48,1 përqind që përkthehet në 19 mandate dhe PD 42,6 përqind në 16 mandate, ndërsa LSI me 3,4 përqind vetëm 1 mandat. Në qarkun e Durrësit, PD merr 47,8 përqind që pëkthehet në 7 mandate dhe PS 44,8 përqind po 7 mandate, ndërsa LSI merr 5,5 përqind, por asnjë mandat. Dhe sondazhi i fundit, për Elbasanin ku PS merr 49 përqind ose 8 mandate dhe PD 41 përqind ose 6 mandate, ndërsa LSI asnjë mandat.
Sondazhi zgjedhor Barometri Politik i Euronews Albania dhe MBR zbuloi se 44.1% e qytetarëve në Tiranë mendojnë se Edi Rama është lideri politik më i përshtatshëm për të drejtuar vendin, kundrejt 34.1% e të anketuarve që preferojnë të shohin në karrigen e kryeministrit liderin e PD, Lulzim Basha.
Në rang kombëtar Rama rezultoi të kishte një pëlqyeshmëri 45.6% të atyre që e shohin atë si kryeministrin më të përshtatshëm, ndërsa Basha mori një përgjigje pozitive në 32.2% të të anketuarve në sondazh.
Kështu, sipas të dhënave Rama shihet të ketë pëlqyeshmëri më të lartë në rang kombëtar në krahasim me qarkun e Tiranës, ndërsa Basha është më i preferuar në Tiranë sesa në nivel kombëtar.
Personat që u përgjigjën se mendonin se asnjëri nuk e meriton të ulët në godinën e kryeministrisë në Bulevardin Dëshmorët e Kombit ishin në nivel 20.2% për Tiranën, dhe 19.2% në rang vendi.
Votuesit e papërcaktuar përbënë shumicën e atyre që u përgjigjën “asnjë” bazuar në analizën e votës së zgjedhjeve të vitit 2017.
