Bashkia e Tiranës i ka kërkuar partisë Fryma e re Demokratike të lirojë zyrat që janë në pronësi të shtetit. Bëhet fjalë për ish-selinë e PD. Kreu i sapozgjedhur i FRD, Sali Shehu ka reaguar teksa deklaroi sot për mediat se kjo është një tentativë e neveritshme dhe se nuk do të lëvizë nga zyra.
Ai tha se do të ketë kallëzim penal ndaj bashkisë. Por e papritur ka qenë prezenca e Ilir Metës pranë ambienteve të FRD. Mediat raporotjnë se Presidenti është përplasur me policinë e gjendur aty dhe i ka kërcënuar efektivët. “Dilni përjashta se do ju çoj në burg me duart e mia. Kjo bashki është bandë, opozita të zgjohet”, dëgjohet të thotë Meta në video.
