Manastirliu publikon rastin e rrallë të bebes që lindi vetem 500 gram: Punë shembullore e mjekëve, është gati të kthehet në shtëpi

Ministrja e Shëndetësisë dhe Mbrojtjes Sociale Ogerta Manastirliu ka publikuar rastin e një fëmije të ardhur në jetë në Maternitetin ‘Koço Gliozheni’ I cili ka lindur vetëm 500 gr. Duke vlerësuar punën e stafit mjekësor, Manastirliu shkruan se Roan ka luftuar 107 ditë dhe sot gëzon shëndet falë kujdesit shembullor të stafit të reanimacionit në maternitetin “Koço Gliozheni”.

Postimi i plotë i ministres Manastirliu: Roan ka luftuar plot 107 ditë, me kujdesin shembullor të stafit të reanimacionit në maternitetin “Koço Gliozheni”. Roani i vogël që lindi vetëm 500 gr, pas përpjekjeve të jashtëzakonshme për ta mbajtur në jetë, me punën e palodhur të mjekëve dhe infermierëve, tashmë është gati të kthehet në shtëpi???