Bisedimet për rinovimin e kontratës së Hakan Calhanoglut me Milanin kanë ngecur dhe Juventusi thuhet se po konsideron një transferim falas për lojtarin turk këtë verë. Sky Sport Italia raporton se mesfushori ofanziv turk ende nuk ka arritur një marrëveshje me Milanin, i cili ofron një marrëveshje të re me vlerë 4 milionë euro në sezon.
Lojtari thuhet se dëshiron 5 milionë euro në vit pa shpërblime, por Rossonerët nuk po e rrisin ofertën e tyre, përcjell Gazeta Express. Nëse Calhanoglu nuk nënshkruan një marrëveshje të re, ai mund të largohet nga Rossonerët në një transferim falas këtë verë dhe raportohet se Juventusi po konsideron t’i ofrojë ish-lojtarit të Bayer Leverkusen një sfidë të re në Allianz Stadium.
Por Arsenali dhe Chelsea thuhet se po ndjekin situatën në Milanello dhe mund të futen në ndjekje të nënshkrimit të lojtarit.
