Të bëhemi bashkë dhe të marrim vendime të rëndësishme për të gjithë. Kështu iu është drejtuar kandidatja Milva Ekonomi grave dhe vajzave të njësisë administrative Katund i Ri të bashkisë së Durrësit.
Në këtë takim kryesuesja e listës së Partisë Socialiste tha se kemi menduar për gratë duke zbatuar kuotën 30 përqind të pjesëmarrjes së grave në politikë, organe vendimmarrëse etj.
Në këtë takim ka qenë e pranishme edhe kryetarja e bashkisë së Durrësit Emiriana Sako. Ajo i ka bërë të ditur banorëve të zonës se pas ndërtimit të dy shkollave të reja, do të ketë investime në përmirësimin e infrastrukturës rrugore si dhe ndërhyrje në lumin Erzen për eliminimin e përmbytjeve.
