Presidenti turk Recep Tayyip Erdoğan është vaksinuar me vaksinën kineze Sinvac, e njëjta që po përdoret masivisht edhe në Shqipëri e me të cilën janë vaksinuar mbi 100 mijë të moshuar të cilët nuk kanë patur asnjë komplikacion. Fakti që Erdogan, i cili është 67 vjeç i ka besuar kësaj vaksine, ndërkohë që Turqia ka një sistem shëndetësor super modern e po punon për një vaksinë turke është domethënës për sigurinë e saj dhe hedh poshtë zërat që shprehen se Sinovac është e rrezikshme për moshat mbi 60 vjeç.
Kina poshtu ka ndryshuar strategjinë e vaksinimit ndaj COVID-19 duke përfshirë tashmë edhe moshat mbi 60 vjeç. Vendi më i populluar i botës dhe një nga kryesoret e prodhimit të vaksinës anti-Covid, zgjodhi të vaksinojë fillimisht moshat nën 60 vjeç në të cilat ishin dhe të shëndetshmit se sa grupet e riskut. Pra, kjo ishte strategjia e tyre e vaksinimit pasi nuk kishin qarkullim te madh te virusit, ndaj e nisen edhe nga moshat aktive per t’i mbrojtur. Por kjo nuk u be ngaqe kishte ndonje pasiguri per vaksinen, pasi ndryshe veproi Hong Kongu ku ka transmetim më të gjërë të virusit dhe vaksina Sinovac është aprovuar edhe për moshat 60+.
Së fundmi Kina ka paraqitur një plan për të përfshirë edhe të moshuarit për t’i vaksinuar ndërkohë që pretendon që deri në qershor të ketë vaksinuar 40% të popullsisë. Ekspertët thonë se nuk ka asnjë shenjë deri më tani se cilado prej këtyre zgjedhjeve është e gabuar. Kina nuk ka përhapje të vazhdueshme lokale të Covid-19, ndërsa provat e hershme nga Brazili dhe Turqia kanë treguar ulje të rasteve të rënda të sëmundjes pas vaksinimeve të Sinovac, sipas shkencëtarëve të përfshirë në provat klinike atje. Nuk ka asnjë indikacion që këto vaksina, të cilat mbështeten në një teknologji të provuar dhe të vërtetë, janë të pasigurta tek të rriturit e moshuar.
