Sipas një studimi, një dozë e vetme e vaksinës anti-Covid zvogëlon rrezikun e përhapjes së koronavirusit deri në 50%. Jo vetëm që një dozë zvogëlon mundësinë e një personi për t’u infektuar me Covid, por zvogëlon shanset e tyre për ta transmetuar virusin tek të tjerët, shkruan Daily Mail.
Hulumtimi nga Shëndeti Publik në Angli (PHE) i cili përfshiu pothuajse 1.5 milion të rritur ka konfirmuar efektivitetin e vaksinave në frenimin e aftësisë së virusit për t’u përhapur.
Studimi i ri mbi transmetimin e virusit zbuloi se të rriturit që morën vaksinën Pfizer – por u infektuan me virus kishin 49 përqind më pak të ngjarë ta përhapnin atë tek anëtarët e tjerë të familjes sesa personat që nuk kishin marrë asnjë dozë.
Rezultatet për Oxford / AstraZeneca nuk ishin aq të mira por megjithatë, ata që morën një dozë kishin 38 përqind më pak të ngjarë ta transmetonin virusin te personat e tjerë. Por fakti që të dy vaksinat zvogëlojnë në mënyrë dramatike aftësinë e përhapjes së virusit – si dhe parandalimin e sëmundjeve të rënda – ofron shpresë se ato janë çelësi i rikthimit në jetën normale.
Vaksinat kanë ulur numrin e shtrimeve në spital dhe vdekjet për shkak të koronavirusit me 80 përqind pas një doze.
