Ka ende beteja mes Interit dhe Juventusit. Në duart e zikaltërve është kualifikimi i Cristiano Ronaldos me shokë në Champions për sezonin e ardhshëm. Për të gjetur një edicion, në të cilin portugezi nuk mori pjesë në kompeticionin që ai do më shumë, duhet të kthehemi në 2002-2003. Asokohe, CR7 bëri debutimin e tij në Ligën e kampionëve në turin preliminar kundër zikaltërve.
Këtë pasdite, Interi mund të shuajë shpresat e mbetura të Ronaldos (dhe Juventusit) për të hyrë në tre nga katër vendet e mbetura të Serie A, që vlejnë kualifikimin. Zikaltrit mbështeten në energjinë e tejmbushur të Romelu Lukaku, i cili në dy sezone është bërë lokomotiva e skuadrës së Conte. “Big Rom” tashmë e ka hequr titullin nga gjoksi i CR7 dhe po përgatit hakmarrjen e fundit. Froni i top-sulmuesit sezonal në Serie A është gjithashtu betejë e hapur: Cristiano dallohet me 28 gola, Lukaku me 6 më pak. Belgu, vështirë se do të jetë në gjendje ta kompensojë boshllëkun brenda dy ndeshjeve të mbetura.
Romelu arriti në Manchester 8 vite pas lamtumirës së Ronaldos dhe nuk ka pasur të njëjtin fat atje: zero tituj. Trofeu i vetëm i fituar me klubet e Premier League është një Kupë Angleze me Chelsea (2011-12). Ai zbarkoi në Itali një verë pasi e bëri këtë Cristiano (2019) dhe të dy mund të bëheshin shokë skuadre. Bardhezinjtë kishin gjetur një marrëveshje me Manchester United për një shkëmbim të tij me Dybala, por dashuria e tepërt e argjentinasit për ngjyrat e “Zonjës” bëri që Lukaku të ndryshonte destinacion. Interi përfitoi nga kjo.
Pasi kishte luajtur një finale të Ligës së Europës me Lukakun në majë të sulmit, u kthye këtë sezon për të dominuar në Itali. Imagjinoni çfarë mund të kishin bërë së bashku, në një skuadër… CR7 ka një dobësi për qendërsulmuesin belg, altruizmi i Lukaku ndoshta mund ta kishte ndihmuar të shënonte më shumë. Ronaldo dhe Romelu kanë dy mënyra të ndryshme për ta luajtur rolin e sulmuesit, brenda dhe jashtë fushës. Cristiano është një individualist, është mësuar të luajë më shumë për veten e tij sesa për të tjerët. Ai është dielli rreth të cilit rrotullohen planetët, i shpërblen shokët e skuadrës për “nënshtrimin” e tyre me shpërthime golash që vlejnë trofe.
Nga ana tjetër, Lukaku është një finalizues që di të vendosë veten në shërbim të ekipit, siç dëshmohet nga shifrat e dyfishta të arritura në asiste. Shënimi nuk është gjithçka për të, gjithashtu mund të jesh i lumtur duke marrë pjesë në rrjetat e të tjerëve. Dhe është pikërisht ky aspekt, përveç karakteristikave fizike dhe teknike, që i bëjnë ata plotësues të përkryer. Ronaldo është i djathtë, Lukaku është majtosh. Portugezi fillon nga e majta, belgu lëviz më shumë në anën e kundërt. Cristianos i pëlqen dridhja dhe gjuajtja e shpejtë, ose më së shumti pas një kontrolli të vetëm të topit, Romelu ka mësuar të luajë me shpinë nga porta dhe ta prekë topin sa herë duhet për të asistuar shokët e skuadrës.
CR7 ka egoizmin klasik të kampionëve të etur për rekord, “Big Rom” ka altruizmin e atyre që janë të vetëdijshëm për kufijtë personalë, por dinë të vendosin çdo cilësi në shërbim të shokëve të skuadrës. Krahasuar me Benzema, partneri historik i Ronaldos, Lukaku është më pak i rafinuar teknikisht dhe taktikisht, por më bujar në asiste dhe shumë më i fortë fizikisht. Sot Lukaku është në kërkim të golit të parë ndaj Juventusit, në përpjekjen e pestë, Ronaldo ndjek numrin 101 të golave bardhezi. Kush e di sa do të kishin shënuar së bashku, në një skuadër, si partnerë sulmues… (Telesport.al)
