Sipas një studimi, pandemia ka shkaktuar 979,000 viktima më shumë gjatë 2020 në 29 vende me të ardhura të larta. Studiuesit morën në shqyrtim të dhënat nga 29 vende, të cilat përfshinin Shtetet e Bashkuara, Gjermaninë dhe Korenë e Jugut. Ata krahasuan numrin e viktimave të regjistruara në vitin 2020 me numrin që normalisht pritej bazuar në të dhënat e viteve të mëparshme.
Rreth 458,000 viktima më shumë ose gati gjysma, u regjistruan në SHBA. Numri zyrtar i viktimave të Covid-19 në SHBA gjatë 2020 ishte 339,014, raporton abcnews.al
Mbretëria e Bashkuar dhe Italia ishin gjithashtu në tre vendet me numrin më të lartë të viktimave, përkatësisht 94,000 dhe 89,000 vdekje më shumë.
“Në shumicën e vendeve, numri i viktimave tejkaloi numrin e vdekjeve të raportuara nga Covid-19”, shkroi ekipi, i udhëhequr nga Dr. Nazrul Islam në Universitetin e Oksfordit.
“Për shembull, si në SHBA dhe Mbretëria e Bashkuar (domethënë Anglia, Uellsi, Irlanda e Veriut dhe Skocia së bashku), numri i viktimave ishte 30% më shumë se numri i vdekjeve të raportuara me Covid-19, dhe ato ishin më shumë se 50% më të larta në disa vende të tjera, duke përfshirë Spanjën, Poloninë, Hungarinë, Greqinë, Lituaninë, Sllovakinë, Estoninë dhe Korenë e Jugut “.
Viktimat ishin kryesisht të moshës mbi 75 vjeç, të ndjekur nga grupmosha 65-74 vjeç, sipas studiuesve.
