Një studim në Itali ka treguar se pesë javë pas fillimit të fushatës së vaksinimit me Covid infeksioni është ulur me 80%. Jo vetëm kaq, por ka 90% më pak shtrime në spital, ndërsa edhe vdekjet janë ulur me 95%.
Ky studim është bërë nga shkencëtarët e Insitutit Kombëtar Italian të Shëndetit të cilët kanë marrë mostrat e 13.7 milionë të vaksinuarish.
Sipas agjencisë ANSA, ky është hulumtimi i parë nga një vendi anëtar i Bashkimit Evropian mbi ndikimin e vërtetë të imunizimit nga pandemia. Këto të dhëna janë marrë nga data 27 dhjetor deri më 3 maj.
Të dhënat treguan se modeli ishte i njëjtë për burrat dhe gratë, pavarësisht nga mosha e tyre, dhe se rreziku i infeksionit u zvogëlua gradualisht dy javë pas marrjes së dozës së parë.
Nga 13.7 milion njerëz të përfshirë në studim, 95 për qind morën të dyja dozat e Pfizer ose Moderna, dhe pesë përqind e mbetura u vaksinuan me AstraZeneca.
